Gadewch Rodd Yn Eich Ewyllys
Gadewch waddol o achub bywydau yng Nghymru a pham mae eich rhodd yn bwysig
Ers dros 100 mlynedd, mae St John Ambulance Cymru wedi bod yno ar adegau o angen, gan gynnig cymorth cyntaf, hyfforddiant a chymorth hanfodol ledled Cymru. Trwy adael rhodd yn eich ewyllys, gallwch sicrhau ein bod yn parhau i achub bywydau ar gyfer cenedlaethau i ddod. Gallai eich gwaddol helpu i adeiladu cenedl o achubwyr bywyd a dod â ni’n agosach at ein gweledigaeth: cymorth cyntaf i bawb, unrhyw bryd, unrhyw le.
Mae gan rodd yn eich ewyllys, ni waeth beth fo’r maint, y pŵer i gael effaith barhaol. Bydd yn ein galluogi i hyfforddi cenedlaethau’r dyfodol, darparu gwasanaethau cymorth cyntaf ar draws cymunedau, a sicrhau bod cymorth achub bywyd bob amser ar gael pan fydd ei angen fwyaf. Lawrlwythwch ein llyfryn i ganfod sut y gall rhodd yn eich ewyllys helpu i lunio dyfodol St John Ambulance Cymru a pharhau â’n gwaith achub bywydau.
Ei gwneud hi’n hawdd gadael rhodd
Rydym wedi ffurfio partneriaeth â chynllunwyr ystadau arbenigol, Octopus Legacy, fel y gallwch ysgrifennu neu ddiweddaru eich ewyllys am ddim. Er bod llawer o gefnogwyr yn dewis cynnwys rhodd yn eu hewyllys i St John Ambulance Cymru, nid oes unrhyw rwymedigaeth i wneud hynny wrth ddefnyddio’r gwasanaeth hwn.
Mae cynllunwyr ystadau eraill ar gael a gellir dod o hyd i gyfreithwyr amgen yma ar wefan Cymdeithas y Cyfreithwyr.
Gallwch ysgrifennu eich ewyllys ar-lein, yn bersonol neu dros y ffôn/galwad fideo. I gael rhagor o wybodaeth am ein partneriaeth ag Octopus Legacy, ac i hawlio eich ewyllys am ddim cliciwch isod.
Os hoffech ein henwi yn eich ewyllys, enw ein helusen yw St John Ambulance Cymru, a’n rhif elusen gofrestredig yw 250523.
I siarad ag aelod o’n tîm Gwaddol neu i drafod rhodd benodol, anfonwch e-bost; legacy@sjacymru.org.uk neu ffoniwch 0300 201 1999.
