Ym mis Mehefin, aeth codwyr arian dewr i fyny i’r entrychion i oresgyn rhai o heriau adrenalin mwyaf Cymru, i gefnogi gwasanaethau elusennol St John Ambulance Cymru.
Roedd hyn yn cynnwys Gwifren Wib Phoenix yn ne Cymru, y wifren wib sedd gyflymaf yn y byd, gan gyrraedd cyflymder o hyd at 70mya. Yng ngogledd Cymru, roedd pobl yn chwilio am wefr ar yr Aero Explorer, hybrid gwifren wib a ffigar-êt unigryw, yn crogi’n uchel uwchben Chwarel y Penrhyn. Anogwyd cyfranogwyr i osod a chyflawni nodau nawdd.
Rhannodd Dev a Priyank eu profiad:
“Roedd yr her wifren wib yn anhygoel! Er gwaethaf y ffaith bod gennyf ofn uchder, roedd yn gyfle perffaith i fy mhartner a minnau wthio’r ffiniau ar gyfer achos da, gan godi arian er cof am fy nain, a oedd yn gwerthfawrogi pwysigrwydd dysgu. Roedd fy hyfforddiant cymorth cyntaf gydag St John Ambulance yn amhrisiadwy. Yn y byd heddiw, lle mae adnoddau gofal iechyd yn aml yn cael eu hymestyn i’r eithaf, gall bod â sgiliau cymorth cyntaf sylfaenol wneud gwahaniaeth gwirioneddol. Ar y cyfan, roedd y digwyddiad yn brofiad gwych, ac rydw i mor falch fy mod wedi cymryd rhan!”
Diolch i bawb a gymerodd ran a’r dewrder a ddangosoch. Os hoffech godi arian ar gyfer St John Ambulance Cymru neu ganfod mwy am godi arian ar gyfer yr elusen, ewch i’n tudalen codi arian a rhoddion.
